ދިވެހިރާއްޖެއަށް ވެރިވަމުންދަ ސިޔާސީބަދަލުތަކަކީ އޭގެ ޒާތުގައި މުހިއްމު ބަދަލްތަކެވެ. ސިޔާސީ ބަދަލް ތަކާއެކުއެކީ ދިވެހިންގެ ދީނާއި ދުނިޔަވީ ކަންތައްތައް ހިންގުމުގެ ވައްޓަފާޅިއަށް ގިނަގުނަ ބަދަލް މިދަނީ އަންނަމުންނެވެ. ދުނިޔަވި ހަޤީގަތަކީ ތާއަބަދު އެއްބަޔަކަށްވެސް އެއްކަމެއްގައި ދެމިނުތިބެވޭނޭ ކަމެވެ. ނަތީޖާއެއްގެ ގޮތުން ސިޔާސީ މަގާމުތަކުގައި ތިއްބެވި ގިނަފަރާތްތަކެއްވަނި މިއައި ބަދަލާއެކު އެފަރާތްތަކުގެ ވަޒީފާ ގެއްލި އެހެން ގޮތްތަކެއް ހޯދަންޖެހިފައެވެ.
މިއީ މިހާރު ރާއްޖެއަށް ވެރިވަމުން މިދާ ސިޔާސީ ބަދަލާއެކު ރާއްޖެގެ ވަޒީފާގެ ބާޒާރަށް ވަޒީފާ ހޯދުމަށް ނިކުންނާނޭ ފަރާތްތަކެކެވެ. މިފަރާތްތަކުން ރާއްޖޭގައި ހުރިތަފާތުގިނަގުނަ ހުސްވަޒިފާތަކަށް ކުރިމަތިލައިގެން މަސައްކަތް ކުރަމުންދާއިރު ފެނިގެންދާނީ އެއްބަޔަކަށް ވަޒީފާލިބި، އަނެއްބަޔަކު އިތުރު ވަޒީފަ އުފެއްދުމަށް މަސައްކަތްކުރަމުންދަތަނެވެ. މީގެތެރެއިން ގިނަގުނަ ފަރާތްތަކަކީ އިލްމީ ޤާބިލް ފަރާތްތަކަކަށްވާތީވެ، ވަޒީފާގެ ބާޒާރުގައި ވަޒީފާއެއް ނުލިބިތިބި ގިނަފަރާތްތަކަށް ވަޒިފަ ލިބުމަށް ވަޒީފާ އުފެދިގެން ދިޔުމުގެ ފުރުސަތުވެސް ބޮޑުވެގެން ދިޔުން ވަރަށް އެކަށިގެންވެއެވެ.
ސަބަބަކީ ކިޔަވައިގެންތިބި އިލްމީ މީހުންނަކީ ވަޒީފާ އުފައްދަވެސްބަޔަކަށް ވާތީއެވެ. ނަތީޖާއެއްގެ ގޮތުން މުޅިރާއްޖޭގެ އިޤްތިސާދަށް ހެޔޮއަސަރުކުރާނެއެވެ. މިފދަ ހެޔޮއަސަރުން އަތޮޅުތަކުގައި އިތުރުވަމުންދާ ވަޒީފާ އަދާނުކުރާ އާބާދީއަށް ވަޒީފާގެ ހެޔޮއަސަރު ފޯރަމުންދާނެއެވެ
No comments:
Post a Comment